• русский
• қазақша

• Скачать инструкцию медикамента

Дәрілік препаратты медициналық қолдану

жөніндегі нұсқаулық (Қосымша парақ)

l.Дәрілік препарат қауіпсіздік туралы жаңа мәліметтерді жылдам анықтауға ықпал ететін қосымша мониторинг жүргізуге жатады. Бұл қысқа мерзімде қауіпсіздік туралы жаңа ақпаратты анықтауға мүмкіндік береді. Денсаулық сақтау жүйесінің қызметкерлерінен кез келген күдікті жағымсыз реакциялар туралы хабарлауды өтінеміз.

Саудалық атауы

Зербакса

Халықаралық патенттелмеген атауы

Жоқ

Дәрілік түрі, дозалануы

Инфузия үшін ерітінді дайындауға арналған ұнтақ, 1 000 мг/500 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Басқа цефалоспориндер және пенемдер. Цефтолозан және фермент тежегіші.

АТХ коды J01DI54

Қолданылуы

18 жастан асқан пациенттерде Зербакса препаратына сезімтал микроорганизмдерден  туындаған ауруларды емдеу:

• асқынған құрсақішілік инфекциялар (метронидазолмен біріктірілімде -  грамтеріс және грамоң микроорганизмдер Enterobacter cloacae, Escherichia coli, Klebsiella oxytoca, Klebsiella pneumoniae, Proteus mirabilis, Pseudomonas aeruginosa, Bacteroides fragilis, Streptococcus anginosus, Streptococcus constellatus және Streptococcus salivarius туғызған асқынған құрсақішілік инфекцияларды емдеуге көрсетілген)  
•  
• ауруханаішілік пневмония (АІП), оның ішінде, ӨЖЖ-астасқан пневмония (ЖАП).

Бактерияға қарсы дәрілерді тиімді қолдану жөніндегі ресми нұсқауды басшылыққа алу керек.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- препараттың белсенді заттарына немесе 6.1-бөлімде аталған кез келген қосымша заттарға аса жоғары сезімталдық

- цефалоспоринді бактерияға қарсы препараттарға жоғары сезімталдық

- бета-лактамды топтағы бактерияға қарсы препараттардың кез келген басқа түрлеріне (мысалы, пенициллиндерге немесе карбапенемдерге) ауыр түрдегі жоғары сезімталдық (мысалы, анафилаксиялық реакция, терінің ауыр реакциялары)

Қолдану кезіндегі қажетті сақтық шаралары

Қолданылмайды.

Басқа дәрілік  препараттармен өзара әрекеттесуі

Цефтолозан / тазобактам мен субстраттар, Р450 (CYP) цитохромы ферменттерінің тежегіштері мен индукторлары арасындағы елеулі дәрілік өзара әрекеттесу болжанбайды. Цефтолозан, тазобактам және тазобактам M1 метаболиті CYP1A2, CYP2B6, CYP2C8, CYP2C9, CYP2C19, CYP2D6 немесе CYP3A4 тежемеді және қан плазмасындағы терапиялық концентрацияларда CYP1A2, CYP2B6 немесе CYP3A4 индукцияланбаған.

Цефтолозан және тазобактам Р-гликопротеиннің субстраттары немесе сүт безі обырының (BCRP) төзімді ақуызы болып табылмайды және тазобактам қан плазмасындағы емдік концентрацияларда in vitro ОСТ2 үшін субстрат болып табылмайды. Цефтолозан қан плазмасындағы емдік концентрацияларда P-gp, BCRP, ОАТР1В1, ОАТР1ВЗ, ОСТ1, ОСТ2, MRP, BSEP, ОАТ1, ОАТ3, МАТЕ1 немесе МАТЕ2-К тежеген. Тазобактам да,  тазобактамның M1 метаболиті де P-gp, BCRP, ОАТР1В1, ОАТР1ВЗ, ОСТ1, ОСТ2 немесе BSEP тасымалдағыштарды қан плазмасындағы емдік концентрацияларда тежемеген.

Тазобактам ОАТ1 және ОАТЗ субстраты болып табылады. In vitro тазобактам тиісінше, адамдағы мәні IC50 118 және 147 мкг/мл ОАТ1 және ОАТ3 тасымалдағыштарын тежеген. Цефтолозанды / тазобактамды ОАТ1 және ОАТ3 фуросемид субстратымен бір мезгілде қолдану қан плазмасындағы фуросемидтің экспозициясын айтарлықтай дәрежеде ұлғайтқан жоқ (орташа геометриялық Смах пен AUC қатынасы тиісінше 0,83 және 0,87 құрады). Алайда, ОАТ1 немесе ОАТ3 тежейтін белсенді заттар (мысалы, пробенецид), плазмадағы тазобактам концентрациясын арттыра алады.

Арнайы сақтандырулар

Бета-лактамды антибиотиктер алған пациенттерде кейбір жағдайларда өлімге әкеп соққан аса жоғары сезімталдық реакциясының (анафилаксия) күрделі жағдайлары дамуы туралы хабарланған. Цефтолозан /тазобактам қабылдау кезінде ауыр аллергиялық реакциялар туындаған кезде препаратты тоқтату және тиісті шаралар қабылдау керек.

Цефалоспориндерге, пенициллиндерге немесе басқа бета-лактамды антибиотиктерге аса жоғары сезімтал пациенттер де цефтолозан / тазобактамға аса жоғары сезімтал болуы мүмкін.

Цефтолозан /тазобактам цефтолозанға, тазобактамға немесе цефалоспориндерге аса жоғары сезімталдығы бар пациенттерге қолдануға болмайды.

Цефтолозан/тазобактамды бета-лактамды топтың бактерияға қарсы препараттарының кез келген басқа түріне (мысалы, пенициллиндерге немесе карбапенемге) ауыр аса жоғары сезімталдық реакциялары бар (мысалы, анафилаксиялық реакциялар, терінің ауыр реакциялары) пациенттерге де қолдануға болмайды.

Пенициллиндерге немесе басқа бактерияға қарсы бета-лактамды препараттарға аса жоғары сезімталдық реакциясының кез келген басқа түрлері бар пациенттерге цефтолозан / тазобактам қолданған кезде сақ болу  керек.

Бүйрек функциясына әсері

Цефтолозан /тазобактам қабылдаған пациенттерде бүйрек функциясының төмендеуі байқалды.

Бүйрек функциясының бұзылуы

Цефтолозанды /тазобактамды дозалау режимін бүйрек функциясын ескере отырып түзету қажет.

Цефтолозан/тазобактамның тиімділігі құрсақ ішіндегі асқынған инфекциялар және пиелонефритті қоса, несеп шығару жолдарының асқынған инфекциялары кезінде бүйректің бастапқы функциясы қалыпты немесе бүйрек функциясы жеңіл дәрежедегі ауырлықта бұзылған пациенттермен салыстырғанда бүйрек функциясының бұзылуы орташа пациенттерде төмен болған. Бүйрек функциясының бастапқы бұзылулары бар пациенттерде емдеу барысында бүйрек функциясының кез келген өзгерістерін үнемі қадағалап отыру және қажет болған жағдайда цефтолозан/тазобактам дозасын түзету керек.

Асқынған құрсақішілік инфекциялар

Асқынған құрсақішілік инфекциялары бар пациенттерде ең көп таралған диагноз құрт тәріздес өсіндінің тесілуі немесе периаппендикулярлы абсцесс болды,олардың 32,6%-ы бастапқы диффузды перитонит болды.

Несеп шығару жолдарының асқынған инфекциялары

Төменгі несеп шығару жолдарының асқынған инфекциялары бар пациенттерде клиникалық тиімділігі бойынша деректер шектеулі.

Clostridioides difficile тудырған диарея      

Цефтолозанды/тазобактамды қолданғанда антибиотикпен астасқан колит және жалған жарғақшалы колит жағдайлары тіркелген. Инфекцияның бұл түрлері ауырлық дәрежесі жағынан өкпеден бастап өмірге қауіп төндіруге дейін түрленіп отыруы мүмкін. Сондықтан цефтолозан/тазобактам қолданғаннан кейін немесе содан пайда болған диарея бар пациенттерде осындай диагноздың мүмкіндігін қарастыру маңызды. Мұндай жағдайларда цефтолозанмен / тазобактаммен емдеуді тоқтату және Clostridium difficile қатысты арнайы ем тағайындаумен бірге қолдау шараларын қолдану мүмкіндігін бағалау керек. Ішектің жиырылуын тежейтін препараттарды қолдануға болмайды.

Сезімтал емес микроорганизмдер

Цефтолозан / тазобактамды қолдану сезімтал емес микроорганизмдердің артық өсуіне ықпал етуі мүмкін. Емдеу кезінде немесе одан кейін суперинфекция туындаған кезде тиісті шаралар қабылдау керек.

Цефтолозан / тазобактам бета-лактамаза ферменттерін өндіретін бактерияларға қатысты белсенді емес, олар тазобактаммен тежелемейді (5.1-бөлімін қараңыз).

Тікелей антиглобулиндік тест (Кумбс сынамасы) нәтижелері бойынша сероконверсия және гемолитикалық анемияның ықтимал қаупі

Цефтолозанмен/тазобактаммен емдеу кезінде тікелей антиглобулин тесті (ТАТ) оң нәтиже көрсетуі мүмкін. Емдеу кезінде оң нәтиже алған пациенттерде гемолиз белгілері жоқ.

Натрий мөлшері

Цефтолозан /тазобактам бар әрбір құтыда 230 мг натрий бар, бұл ересектер тәуліктік тұтынатын 2 г натрийдің ДДҰ ұсынған ең жоғары мәнінің 11.5% баламалы. Инъекцияға арналған 10 мл 0.9% натрий ерітіндісінде (физиологиялық ерітінді) ерітілген препараты бар құтының мөлшері (265 мг) ДДҰ ұсынған ересектер тәуліктік тұтынатын 2 г натрийдің ДДҰ ұсынған ең жоғары мәнінің 13.3% баламалы.

Жүктілік және лактация кезінде

Жүктілік

Жүкті әйелдерде цефтолозан/тазобактам қолдану туралы деректер жоқ. Тазобактам плацента арқылы өтеді. Цефтолозанның плацента арқылы өтетін-өтпейтіні белгісіз.

Зербакса препаратын жүктілік кезінде емдеуден күтілетін пайдасы төнетін ықтимал қаупінен асып түсетін жағдайда ғана қолдану керек.

Бала емізу

Бала емізетін әйелдердің емшек сүтіне цефтолозан / тазобактамның енуі туралы мәліметтер жоқ. Жаңа туған нәрестелер/емшектегі балалар үшін қаупін жоққа шығаруға болмайды. Бала емізуді тоқтату немесе препаратты қабылдауды тоқтату/тоқтату қажеттілігі туралы шешім баланы емшекпен емізудің пайдасын және препараттың ана үшін пайдасын ескере отырып қабылдануы тиіс.

Бала туу функциясы

Цефтолозан мен тазобактамның адамның бала туу функциясына әсері зерттелмеген.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

• көлік құралдарын басқару және механизмдерді пайдалану қабілетіне елеусіз әсер етуі мүмкін. Зербакса препаратын қолданғаннан кейін бас айналуы ықтимал.

Қолдану жөніндегі нұсқаулар

Дозалау режимі

Ұсынылатын дозалау режимі: инъекцияға арналған Зербакса 1 500 мг препараты (цефтолозан 1 000 мг және тазобактам 500 мг) бүйрек функциясы қалыпты немесе ауырлығы жеңіл дәрежедегі бүйрек жеткіліксіздігі бар 18 жастағы және одан асқан пациенттерге әр 8 сағат сайын венаішілік инфузия арқылы 1 сағат ішінде енгізіледі. Ем ұзақтығын белгілеу үшін ауырлық дәрежесі мен инфекция ошағының орналасуы  және пациенттегі клиникалық және бактериологиялық үдеріс ерекшеліктерін жетекшілікке алған жөн (1 кесте).

1 кесте: Креатинин клиренсінің (КК) көрсеткіші 50 мл/минуттан көп пациенттерде инфекция түріне қарай Зербакса 1 500 мг препаратының (цефтолозан 1 000 мг және тазобактам 500 мг) дозалануы

 

*анаэробты инфекцияға күдік туындағанда метронидазолмен біріктірілімде қолданылады

** егер олардың инфекциялық үдеріске ықпал ететіні белгілі немесе болжанатын болса, грамоң инфекция қоздырғыштарына қатысты белсенді бактерияға қарсы дәрімен бірге қабылдауға арналған.

Пациенттердің ерекше топтары

Бүйрек функциясының бұзылуы бар пациенттер

Креатинин клиренсінің көрсеткіштері (КК)  ≤ 50 мл/мин пациенттерде доза түзетілуі керек. Бүйрек функциясының бұзылуы кезінде дозаны түзету деректері  2 кестеде берілген. Бүйрек функциясы бұзылған пациенттерде КК көрсеткішін кем дегенде күн сайын бақылап, препарат дозасын тиісінше түзетіп отыру  керек.

2-кесте: креатинин клиренсі ≤ 50 мл/мин пациенттерде Зербакса препаратын вена ішіне дозалаудың ұсынылған режимдері

*КК Кокрофт-Голт (Cockcroft Gault) формуласын пайдаланумен бағаланады.

** Зербакса препаратының барлық дозалары барлық көрсетілімдер үшін  1 сағат ішінде енгізіледі.

Бауыр функциясының бұзылуы

Бауыр функциясы бұзылған пациенттерде дозаны түзету қажет емес.

Егде жастағы пациенттер

Зербакса препаратының дозасын жас шамасына қарай түзету қажет емес.

Балалар

Жасөспірімдер мен балаларда тиімділігі мен қауіпсіздігіне қатысты деректер жоқ.

Жынысы

Жыныс ерекшелігіне қарай дозаны түзету қажет емес.

Енгізу әдісі мен жолы

Парентеральді.

Ерітінділерді дайындау

Зербакса құрамында бактериостатикалық консервант жоқ. Инфузиялық ерітіндіні дайындағанда асептика ережелерін қадағалау керек.

Дозаларды дайындау

Құтының ішіндегісін инъекцияға арналған 10 мл стерильді суда немесе USP инъекциясына арналған 0.9% натрий хлориді ерітіндісінде қалыпқа келтіріңіз және еріту үшін жайлап сілкіңіз. Соңғы көлемі шамамен 11.4 мл құрайды.

Сақтандыру: қалыпқа келтірілген ерітінді тікелей инъекцияға арналмаған.

Қажетті дозаны алу үшін қалпына келтірілген ерітіндісі бар құтыдан 3 кестеде көрсетілген тиісті көлемді жинап алыңыз. Қалпына келтірілген ерітіндінің жинап алынған көлемін құрамында 100 мл инфузияға арналған 0.9% натрий хлориді ерітіндісі немесе инфузияға арналған 5% декстроза ерітіндісі бар инфузияға арналған пакетке қосыңыз.

3 кесте: Дозаларды дайындау

Қолданар алдында дәрілік препараттың жүзінді бөлшектерінің және түс өзгерісінің бар-жоғын тексеріңіз. Зербакса препаратының инфузияға арналған ерітіндісі мөлдір түссізден сәл сарғыш мөлдір түске дейін болуы мүмкін. Осы диапазон шегіндегі түсінің өзгешеліктері препарат белсенділігінің бұзылуын көрсетпейді.

Артық дозалану жағдайында қабылдау қажет болатын шаралар

Зербакса препаратымен артық дозалану жағдайлары туралы ақпарат жоқ. Зербакса препаратының ең жоғары бір реттік дозасы 3 г / 1,5 г цефтолозан / тазобактамды құраған.

Зербакса препаратымен артық дозаланған жағдайда оны тоқтату және жалпы демеуші ем жүргізу керек. Препарат гемодиализ кезінде шығарылуы мүмкін. Шамамен 66% цефтолозан, 56% тазобактам және 51% тазобактам М1 метаболиті диализ жолымен шығарылды.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Зербакса препаратын қабылдау бойынша сұрақтар туындаған жағдайда, емдеуші дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі:

- Clostridioides difficile туындатқан колит

- Тромбоцитоз

- Гипокалиемия

- Ұйқысыздық, мазасыздық

- Бас ауыру, бас айналу

- Артериялық гипотензия

- Жүрек айну, диарея, іш қату, құсу, іштің ауыруы

- Бөртпе

- Пирексия, инфузия енгізген жердегі реакциялар1

- АЛТ, АСТ, трансаминаза деңгейінің жоғарылауы, бауыр жеткіліксіздігі, қанда сілтілік фосфатаза, гамма-глутамилтрансфераза деңгейінің жоғарылауы

Сирек:

- Кандидоз, орофарингеальді және вульвовагинальдіні қоса, Clostridioides difficile туындатқан колит, Clostridioides difficile туындатқан несеп шығару жолдарының зеңдік инфекциясы, Clostridioides difficile туындатқан инфекция

- Анемия

- Гипергликемия, гипомагниемия, гипофосфатемия

- Ишемиялық инсульт

- Жүрекшелер фибрилляциясы, тахикардия, стенокардия

- Флебит, веналық тромбоз

- Диспноэ

- Гастрит, іштің кебуі, диспепсия, метеоризм, ішек бітелісі

- Есекжем

- Бүйрек функциясының бұзылуы, бүйрек жеткіліксіздігі

- Сарысулық гамма-глутамилтранспептидазаның (ГГТ) жоғары деңгейі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді заттар: - цефтолозан сульфаты* 1 147 мг (1 000 мг цефтолозанға баламалы),

- натрий тазобактамы* 537 мг (500 мг тазобактамға       баламалы).

қосымша заттар: сусыз лимон қышқылы, натрий хлориді, L-аргинин, азот.

Сыртқы түрінің, иісінің, дәмінің сипаттамасы

Ақтан сарғыш түске дейінгі ұнтақ

Шығарылу түрі және қаптамасы

Препарат күлгін түсті Flip-Off® қорғағыш қалпақшалармен қаусырылған және бромбутил тығындармен тығындалған түссіз шыны құтыларға салынады.

10 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

30 ай

Қаптамасында көрсетілген жарамдылық мерзімі өткеннен кейін қолдануға болмайды.

Сақтау шарттары   

2 °C-ден 8 °C-ге дейінгі температурада сақтау керек.

Жарықтан қорғау үшін түпнұсқалық қаптамасында сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Стери-Фарма, ЛЛС, АҚШ

429 Западная к-сі, Сиракьюс, Нью-Йорк, 13202, USA

Тел:1-315-473-7180

Факс:1-315-473-7181

www@merck.com

 

Тіркеу куәлігінің иесі

Шеринг-Плау Сентрал Ист АГ, Швейцария.

Вейштрассе 20  П.О.Бокс, СН-6000, Люцерн 6, Швейцария
Тел: .+ 4141 4181719

факс: + 4141 4181727

Электронды пошта:  info@merck.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстандағы Шеринг-Плау Сентрал Ист АГ

Алматы қ., Достық даңғ., 38, «Кең Дала» бизнес орталығы, 3 қабат

Тел. +7 (727) 330-42-66, +7 (727) 259-80-84

Факс +7 (727) 259-80-90

Электронды пошта: dpoccis2@merck.com